هناك العديد من الأسباب لتأخر الكلام عند الأطفال أهم تلك الأسباب :-
– إنشغال الأسره عن الطفل وأحيانا عمل كل من الأب والأم
– استخدام الطفل للأجهزه الالكترونيه بكثره مثل التليفزيون والموبايل والكمبيوتر
– كون الطفل الإبن الأول في الاسره او فرق كبير في السن بين الطفل وإخوته
– الخوف الزائد علي الطفل وعدم نزوله حضانه و عدم إحتكاك الطفل بأطفال من سنه
– أضف لذلك فتره كرونا والعزله التي فرضت علي الأسره والأطفال لفتره طويله
– طبيعه بعض الدول العربيه وعدم خروج الطفل وإحتكاكه بأطفال من سنه
– إصابه الطفل بمشكله عضويه مثل ضعف السمع أو ضمور المخ أو تأخر عقلي
– إصابه الطفل ببعض الأمراض الوراثيه والجينيه
– نقص الاكسوجين اثناء الولاده وغيرها من المشاكل التي قد يعاني منها الطفل
– وأحيانا بدون سبب محدد
كل هذه العوامل قد تؤثر بالسلب علي تطور الطفل
لذا في حاله ملاحظه الأم تأخر الطفل عن أقرانه يجب تقييم الطفل لتحديد ما إذا كان يعاني من تأخر في الكلام أم لا وهل هو بحاجه إلي جلسات تخاطب أم نكتفي بدور الأم بالمنزل مع طفلها والحضانه فقط مؤقتا وإعاده تقييم الطفل بعد فتره ومقارنه تطوره الجديد بوضعه الحالي
ناس كتير بتسأل عن أسباب إنتشار أمراض التخاطب عموما مؤخرا
مثل ( تأخر الكلام – التلعثم – اللدغات )
لدرجه إن البعض بقا بيسأل هل في علاقه ما بين إنتشار الأمراض دي وتلوث الأكل؟
مفيش دراسه إتعملت عن علاقه تلوث الأكل وعلاقتها بإنتشار أمراض التخاطب لكن في سببين مهمين إن الناس بدأت تلاحظ إنتشار الأمراض دي
السبب الأول إن بقا في وعي ومعرفه بالأمراض دي ودا مكنش موجود قبل كدا علي الرغم إن لسه في نسبه كبيره من الناس متعرفش كتير عن التخصص دا ودا اللي بنحاول نعمله بزياده وعي الناس وتعريفهم بأمراض التخاطب
السبب التاني هو الإنشغال الدائم من الأسره وطبيعه الحياه اللي بقينا بنعيشها والتكنولوجيا المحيطه بينا اللي ذي ما سهلت علينا حاجات كتير كان ليها دور في إنتشار الأمراض دي زي استخدام الموبايل والكمبيوتر والتليفزيون في اعمار صغيره لفترات طويله, الأم اللي بقت بتشتغل ومعندهاش وقت كافي لأولادها و الأب اللي بقا بيشتغل شفتين أو تلاته في اليوم والصراع علي الماده المستمر إننا عايزين نبني لأولادنا بس نسينا إننا نبنيهم في الأول
الملحوظه المهمه اللي بقينا بنشوفها الايام دي ان نسبه كبيره من الحالات دي بتتواجد في أسر فيها خلافات أسريه وطلاق وبقا دا من الاسباب المهمه لانتشار الامراض دي مع انتشار الخلافات الأسريه الملحوظ مؤخرا .
